Transcription
1
Monsieur, estant passez par ceste ville hier et avant-hier monsieur l’evesque
2
de Carpentraz et monsieur le chevalier de Vaugdemar, ilz m’ont
3
laissé les deux lettres cy joinctes pour vous faire tenir, lesquelles
4
je vous envoye. Vous verrez par celle de monsieur de Vogdemar
5
tout ce qui se passe en Levant. De Rome, monsieur, vous verrez
6
par l’aultre cy joincte tout ce qu’on m’en a escrit ces jours
7
passez. Monsieur de Savoye a faict cryer par tout son estat que tous
8
les huguenotz qui s’y estoient retirez eussent à vuyder dans
9
troys jours, sur paine de la vie. Il a faict constituer
10
prisonnier à Suze ung soliciteur de l’admiral qu’on dit avoir
11
esté à Grenoble. Je ne scay quel il est. Il passa hier icy
12
ung gentilhomme espagnol qui m’asseura que Janly avoit
13
esté pendu, et ses compagnons, et que le duc d’Albe a levé
14
le siège de devant Mons en Henault, et qu’il s’est acheminé
15
au-devant du prince d’Orenge qui voulloit entrer en Flandres
16
avec grandes forces, et que le duc de Brunsvic suyt
17
le prince avec cinq mille reistres pour le service de sa
18
majesté catholicque. Voylà tout ce que je scay, monsieur,
19
qui me semble estre digne de vous. Au demeurant,
20
monsieur, j’ay esté averty qu’il s’est retiré ung ministre
21
[v°] en la vallée de Queyras, qui est de mon diocèse, comme
22
vous pourrez aussi voir par la lettre du vischastelain dudit lyeu,
23
qui faict bien de l’honneste homme à ceste heure et excuse
24
bien joliement ce ministre. Si vous trouviez bon, monsieur,
25
que suivant les declarations faictes par sa majesté, qu’il
26
s’en saisist, qui veult qu’on garde les personnes factieuses
27
et qui ont eu quelque charge parmy eulx, se seroit
28
leur donner tousjours plus de crainte et empecher qu’il
29
ne dogmatise, comme je suis asseuré qu’il ne s’en pourra
30
garder. Il y a cinq ou six des anciens de Fressinières
31
qui se veullent catholiser, et cuide qu’il y en y a plusieurs
32
aultres qui vouldroient faire de mesme si ce n’estoit leur ministre
33
et qu’il y a parmy eulx de ces brigans et plus seditieux qu’ilz
34
craignent. Je vous avois mandé ces jours passez comme
35
monsieur le conte de Tende devoit estre mort, toutesfoys,
36
j’ay sceu depuis qu’il n’en est rien, mais qu’il a esté
37
bien près. L’on dit que monsieur de Santal a passé oultre
38
et qu’il est mort. Monsieur de Rousset m’a escrit
39
une lettre que je vous envoye, par laquelle vous verrez, monsieur,
40
[320] que nous sommes en quelque esperance de gaigner quelques
41
uns de noz voysins de Champsaur et de La Breolle. Je prie
42
Dieu qu’il nous en face la grace. Je ne vous seray
43
ennuyeux de plus long discours, si ce n’est pour me
44
recommander bien humblement à votre bonne grace et pryer
45
Notre Seigneur qu’il vous veulle donner,
46
Monsieur, en très bonne santé longue et très heureuse vie.
47
D’Ambrun, le XXVme de septembre 1572,
48
Votre très humble allié et serviteur
49
G davanson A d’Ambrun.